Միասնական հարիսայի ծես քոլեջ պարտեզում

20191116_110822

Ջա՜ն համով հոտով հարիսա։ Այսօր երկու խմբով՝ սեբաստացի հայրիկ֊մայրիկ, տատիկ֊պապիկների հետ նշեցինք հարիսայի ծեսը։ Читать далее

Աստղազարդ ծննդյան տոն, Վերապատրաստման 7֊րդ փուլի աշխատանքային նախագիծ

«Աստղազարդ ծննդյան տոն » նախագիծ

  • 8:45-9:30 —Առավոտյան ծես. Ընդունելություն.
    Հենց տնից-նախակրթարան ճանապարհից էլ սկսում է նրանց ուսումնական գործունեությունը: Սաներն ինքնուրույն են զգեստափոխվում: Դասավորում են աթոռները, մաքրում փոշիները, խնամում են բույսերը, ջրում և փխրեցնում են հողը: Բակում հավաքում են թափթփված աղբը, հետևում են բույսերի աճին:
  • 9:30-10:00Ռոդարիական ուրախ մարմնամարզությանը միանում են կոմիտասյան երգն ու պարըԴաստիարակը սանի հետ պետք է մագլցի, վազի, թռչի բարձրությունից, չոչ անի, գլուխկոնծի տա և այլն՝ խենթություներով լինելով անմիջական մասնակիցը կրթության, լինելով սաներից մեկը, ոգևորելով, երևակայելով…:
    Սաները հաճախ իրենք են շարժումները որոշում: Երբեմն մարմնամարզության ընթացքում կենդանիներ են դառնում, շարժումային տարբեր փոքրիկ ներկայացումներ են ստացվում, երբեմն ամբողջ վարժանքը պարի է վերածվում: Խաղաստեղծ միջավայր կարող է լինել նաև մեր մարմինը: Երբ նրան ավելացնենք «լույս + ստվեր= ստվերախաղ բաղադրատոմսը», կստացվի իմացումի հերթական, իսկական հրճվանք: Ինչքան ուզում ես թափահարի՛ր ոտքերդ, ձեռքերդ, մարմինդ, մազերդ, ստվերային ներկայացումներ խաղա՛, կապիկություն արա՛, սավառնի՛ր, իրական ազատությունը զգա՛…:
  • 10:00-10:30Նախաճաշ
  • 11:00-12:00— Աշնանային պարտեզ
  • 12:30-13:00Ճաշ
  • 15:30-16:00- Հետճաշիկ:
  • Ես կարողանում եմ… (Ես կարողանում եմ ինքնուրույն լվացվել,հագնվել,սպասքադրել և հավաքել-մաքրել): Օրվա 4 հերթապահները նախապատրաստում են նախաճաշի, ճաշի և հետճաշիկի սեղանը:
  • 13:00-15:00- Քուն (Աստղափայլ օրորներ):
  • 15:00-16:00— Ազատ գործունեություն, զրույց, տուն ճանապարհել:

Խաղերգեր՝

Ասիկներ,խաղ-թռնոցի՝

  • Ծափիկ-ծափիկ, ծափ նաներով,

Փլավ կեփենք պուտուկներով,

Գդալ չկա, շերեփ չկա,

Մենք էլ կուտենք մատիկներով:

  • Ծափիկ, ծափիկ, ծափլատիկ,

Չալ խնձորիկ, փշատիկ,
Ծալիկ, մալիկ, ծուռ աքլորիկ,
Ծկլակտուց, ծկլամերիկ,
Կուտ ուտի, կուտման ուտի,
Ծակ շերեփով ծիկրակ անի:

  • Ծիլ, ծիլ, ծիլծիլա,
    Ելեք, տեսեք` ո՞վ կուգա,
    Պստի պապը տուն կուգա,Չամիչ ուտելեն կուգա,
    Ճանճը տզզալեն կուգա,
    Ճնճուղը թը՜ռնելեն կուգա:
  • Թռի, թռի, թիթեռնիկ,
    Եկեղեցու ծիծեռնիկ,
    Խաչ պատուհան կուտ քաղե,
    Ավազանի ջուր խմե:
    Վարդի դաստա խորոտիկ,
    Ռեհանի փունջ մորոտիկ,
    Քեզմեն առնեմ հոտհոտիկ,
    Իմ սիրունիկ աղունիկ:
  • Ճիվու, ճիվու, ճնճղիկ,
    Թռավ, գնաց առվի եզրիկ,
    Կերավ կուտիկ,
    Խմեց ջրիկ,
    Թռավ մտավ Աստղիկի ծոցիկ:
  • Կլորիկ ու թմբլիկ եմ,
    Պստլիկ ու ճստլիկ եմ,
    Քիթս պուճուր–պուճուրիկ է,
    Աչուկներս սևուլիկ են,
    Կա՞ ինձ նման սիրունիկը:
    Չկա, չկա, չկա:
  • Հա թռի, թռի, թռցնեմ,
    Չիր ու չամիչ կերցնեմ,
    Մեղր ու կարագ կերցնեմ,
    Աղբյուրի ջուր խմցնեմ,
    Հա թռի, թռի, չուր ի լուս,
    Պապեն գիկա կենա դուս:

Հեքիաթներ, բլբլոցներ

  • Երեխաների հեքիաթ֊զրույցը՝ ի՞նչ նվեր են ուզում, ու՞մ՝ ի՞նչ կնվիրեն, քանի՞ ծնունդ կուզենան ունենալ, ո՞րն է ամենալավ նվերը։

Տեխնոլոգիական աշխատանք

  • Ծննդյան բացիկ
  • Ծննդյան նվերի փաթեթավորում՝ երեխաները գունավեր թղթերով ու ժապավեններով փաթեթավորում են փոքրիկ տուփեր, դատարկ գուաշի ամաններ…
  • Պատրաստում ենք երեք փաթեթավորված տուփ երեխաները գուշակում են՝ որի մեջ է թաքցրած տվյալ իրը՝ միրգ, խաղալիք։

Այլընտրանքային նկարչություն

  • Սպունգի օգնությամբ նկարում ենք ծննդյան մեծ, գունավոր տորթ։

Ծննդյան խոհանոց՝

  • Կոնֆետներով և թղթերով, տարբեր թխվածքաբլիթներով պատրաստում ենք կերպարներ։

Երկուշանթի՝ պատրաստում ենք ծննդյան քաղրավենիք, նվիրում՝ մյուս խմբի հոբելյարին։

Երեքշաբթի՝ պատրաստում ենք տորթ՝ մեկանգամյա օգտագործման բաժակներից։

Չորեքշաբթի՝ պատրաստում ենք գունավոր ադի֊բուդի։

Հինգշաբթի՝ պատրաստում ենք ծննդյան բացիկներ։

Ուրբաթ՝ լեգոներից պատրաստված տորթ՝ ով արագ լեգոներից տորթ կպատրաստի։

 

 

Սեբաստացու օրեր.նախագիծ

20191101_115215

Նոյեմբերի՝4_15. Սեբաստացու օրեր. Կրթահամալիրի տոնը՝կրթահամալիրի 30տարի

Ծրագրում՝

  • «Թումանյանի Հեքիաթների ռադիոգիրք». ընթերցում են դաստիարակները
  • «Իմ սեբաստացի ընտանիքը», պատմում են 2-4տարեկանները և սեբաստացի ծնողները.
  • Նոյեմբերի 14-ին, ժամը`11:00-12:00 Մարզատոն /հեծանիվ, նկարչական պլեներ,վազք, գլուխկոնծի, լանջերի հաղթահարում/
  • «Պարտիզպան ծնող».Պարտիզպան ենք բոլորս։
  • Նոյեմբերի15, ժամը`11:00-12:00. Նախակրթարանի ծնողները, տատիկները և սաները մասնակցում են « Խմոր հունցեմ, գունդ սարքեմ»նախագծին . գաթա, հալվա, փոխինդ
  • «Բարի լույս» 2-4 տարեկաններ.ընտանեկան նախագծեր
  • Թթվահամտես,հարիսայի ծես ,երգ, պար…

Читать далее

Համով, հոտով թթուդրիկ

received_510161649834283.jpeg

Այդքան սպասված թթուդրիկը վերջապես կայացավ։ Մայրիկ֊հայրիկ, տատիկ֊պապիկների օգնությամբ դրեցինք թթուն։ Մեկ կտրատում էինք, մեկ ուտում՝ հո չէինք ուտում, հո չէինք ուտում։ Արդեն անհամբերությամբ սպասում ենք թթվի թթվելուն։ Читать далее

Հոկտեմբեր ամսվա հաշվետվություն

20191004_161220

Հոկտեմբերը աշնան ամենաոսկեզոծ ամիսներից մեկն է։ Ամիսը սկսեցինք Կոմիտասյան օրերով։ Ամեն ինչ՝ երգ, նկարչություն, մարմնամարզություն ու մի շարք այլ գործունեություններ կատարում էինք Կոմիտասի հնչյունների ներքո։ Читать далее